QHL: «Barys» «Traktordy» jeńip, Shyǵys tobynda segizinshi orynǵa kóterildi
NUR-SULTAN. QazAqparat – Elordalyq «Barys» Chelıabi qalasynda jergilikti «Traktor» komandasyn 4:2 esebimen utty, dep habarlaıdy QazAqparat tilshisi.
Bul jeńis «Barystyń» QHL-dyń Shyǵys konferentsııasynda 8-orynǵa kóterilýine múmkindik berdi.
Batys jáne Shyǵys konferentsııalarynda úzdik segizdikke kirgen klýbtar pleı-off básekesine joldama alatyndyqtan, ıÝrıı Mıhaılıs shákirtteriniń bul jeńisi mańyzdy edi.
«Barystan» birinshi kezeńde san basymdylyǵyn paıdalanǵan Roman Starchenko esep ashsa, oıynnyń ekinshi bóliginde Nıkıta Mıhaılıs 2:0-ge jetkizdi.
Úshinshi, sheshýshi kezeńde Mett Frettın taǵy bir san basymdylyǵyn múlt jibergen joq – 3:0. Budan keıin aıdyn ıelerinen Loýrens Pılýt esepti qysqartsa, Lınýs Vıdel qaıtadan 4:1-ge jetkizdi. «Traktordan» Lýkash Sedlak taǵy bir shaıbanyń avtory atanǵanymen, «Barys» hokkeıshileri óz qaqpasyn sátti qorǵaı bildi. Bul rette qaqpashy Henrık Karlssonnyń da eńbegin aıta ketý kerek.
Osylaısha 35 upaı jınaǵan elordalyq klýb Shyǵys tobynda buǵan deıin segizinshi orynda turǵan «Sıbır» (Novosibir) komandasyn basyp ozdy. Ýfada «Salavat ıÝlaevtan» 1:3 esebimen jeńilis tapqan «Sıbır» 34 upaımen 9-satyǵa yǵysty. Qorjynynda 46 upaıy bar «Traktor» Shyǵys konferentsııasynda 4-orynda keledi.
Endi «Barys» biraz úzilisten keıin 19 jeltoqsanda Beıjińde QHL aýtsaıderleriniń biri – «Kýnlýn Red Star» komandasymen kezdesedi.
Eske sala keteıik, budan buryn «Barystyń» óz aıdynynda «Torpedo» komandasynan jeńilip qalǵanyn jazǵan edik..
