QHL: «Barys» «Traktordy» oısyrata jeńdi
ASTANA. QazAqparat - Búgin elordalyq «Barys» klýby qurlyqtyq hokkeı lıgasyndaǵy kezekti kezdesýinde Chelıabide jergilikti «Traktor» komandasyn oısyrata jeńdi, dep habarlaıdy QazAqparat tilshisi.
Bıyl eki komanda úsh márte kezdesip úlgerdi. Aldymen, 18 qazan kúni Chelıabide «Barys» «Traktordy» overtaımda 5:4 jeńdi. Astanada 1 qarashada ótken oıynda «Traktor» klýby overtaımda «Barysty» 4:3 esebimen tize búktirdi. Al 6 jeltoqsanda elordalyq klýb óz aıdynynda atalmysh qarsylasyn 3:1 esebimen jeńgen edi.
Búgingi kezdesýde «Barys» oıyndy óte saýatty ótkizdi. Qarsylas komandanyń shaıba soǵýyna eshqandaı múmkindik qaldyrǵan joq. Ekinshi kezeńde bizdiń hokkeıshiler nebári tórt mınýt ishinde eki shaıba soǵyp ketti. Aldymen 26-mınýtta Patrıs Korme óz komandasyn alǵa shyǵarsa, 30-mınýtta Dmıtrıı Shevchenko esepti ústemeleı tústi. Esep - 2:0. Úshinshi shaıba sońǵy kezeńde soǵyldy. Mettıý Frettın 51-mınýtta qarsylastar qaqpasynan sańylaý taýyp, qorytyndy esepti belgiledi. Esep - 3:0.
Osylaısha, «Barys» týrnır kestesindegi jaǵdaıyn jaqsarta tústi. Qazir olar 41 oıynnan keıin 58 upaı jınap, segizinshi orynda tur.
Aıta keteıik, «Barys» budan buryn Astanada úsh oıyn ótkizdi. Aldymen 18 jeltoqsanda Cherepovetstiń «Severstalin» 3:0 esebimen jeńdi.
Odan keıin 20 jeltoqsanda ıAroslavldiń «Lokomotıvinen» 1:2 esebimen jeńilip qalsa, 22 jeltoqsanda Vladıvostoktyń «Admıralynan» basym boldy, esep - 4:3.
«Barys» endi 30 jeltoqsanda Ombyda jergilikti «Avangard» komandasymen kezdesse, 2019 jyldyń 3 qańtarynda Máskeýde «Spartak» jáne 5 qańtarda Sochıde «Sochımen» sheberlik baıqasady. Al 8 qańtarda Astanada Habarovskiniń «Amýr» komandasyn qabyldaıdy.
