QHL: «Barys» syrt aıdynda «Sibir» komandasynan utyldy
ASTANA. 9 qarasha. QazAqparat /Rýslan Ǵabbasov/ - Keshe keshqurym Qurlyqtyq hokkeı lıgasy aıasynda Novosibirde ótken oıynda astanalyq barys «Sibir» komandasynan utyldy.
Bul kezedesýdiń birinshi kezeńinde aıdyn ıeleri esep ashyp, alǵashqy 20 mınýt aıaqtalǵansha astanalyq hokkeıshilerge esepti teńestirýge múmkindik bermedi. Tek ekinshi kezeńde ǵana «Barys» komandasy shaıba salýǵa qaýqarly boldy. Atap aıtqanda, negizgi oıynnyń úsh kezeńi barysynda qos komanda 3:3 esebimen teń tústi. Bul tartysty dodaǵa sońǵy núkteni qoıý úshin qosymsha ýaqyt berildi. Overtaım aıaqtalýǵa 1 mınýt qalǵanda «Sibir» hokkeıshileri astanalyqtardyń qaqpasyna shaıba salyp, osy kezdesýdi 4:3 esebimen óz paıdasyna utty.
«Barys» hokkeıshileri syrt aıdyndaǵy kelesi eki oıynyn Habarovta ótkizedi.
