QHL: «Barys» syrt aıdynda aıqyn basymdyqpen jeńiske jetti
ASTANA. 27 qańtar. QazAqparat /Rýslan Ǵabbasov/ - Keshe keshqurym Qurlyqtyq hokkeı lıgasy aıasynda Novosibirdegi oıynda astanalyq «Barys» komandasy «Sibir» hokkeıshilerin aıqyn basymdyqpen tize búktirdi.
Bul tartysty dodada sibirlikter oqtyn-oqtyn shabýyl jasaǵanymen elordalyqtar olarǵa yryq bermedi. «Barys» hokeıshileri oıynnyń úsh kezeńiniń nátıjesi boıynsha aıqyn basymdyq kórsetti, al qarsylastar esep ashýǵa qaýqarsyz boldy. Sonymen, osy kezdesý 0:5 esebimen astanalyqtardyń jeńisimen aıaqtaldy.
Aǵymdaǵy oıyn maýsymynda qarsylastar tórt ret kezdesip, onyń ekeýinde «Sibir» jeńiske jetti.
QHL-dyń týrnırlik kestesinde eki komandanyń arasyndaǵy upaı aıyrmashylyǵy 22-ge jetip otyr. ıAǵnı, búginde «Barys» 73 upaıymen Shyǵys konferentsııasynda 5-shi orynda, al «Sibir» 11 orynǵa turaqtady.
Aıta keteıik, «Barystyń» budan keıingi kezdesýi 28 qańtarda syrt aıdynda, ıaǵnı Novokýznetsk qalasynda «Metallýrg NK» komandasymen bolady.
