QHL: «Barys» sońǵy eki kezdesýde jastarǵa senim artady
NUR-SULTAN. QazAqparat - Elordalyq «Barys» qurlyqtyq hokkeı lıgasy turaqty kezeńindegi sońǵy eki týrǵa sheteldik oıynshylardy alyp barǵan joq. Bapkerler syrt aıdyndaǵy oıyndarda qazaqstandyq jastarǵa senim artady, dep habarlaıdy QazAqparat klýbtyń baspasóz qyzmetine silteme jasap.
Esterińizge sala ketelik, 25 jáne 27 aqpan kúnderi Vladıvostokta «Admıral», Habarovskide «Amýr» komandalarymen sheberlik baıqasady. «Barystyń» bas bapkeri atalǵan oıynda qazaqstandyq jastardyń áleýetin baıqap kórýge sheshim qabyldady. Komanda quramynda barlyq shep boıynsha ózgerister bar.
Qaqpada Sergeı Kýdrıavtsev, Denıs Karataev, Kırıll Strııa syndy hokkeıshiler oıyn kórsetedi. Al qorǵanysta Samat Danııar, Nıkıta Kleşenko, Alekseı Maklıýkov, Leonıd Metalnıkov, Valerıı Orehov, Kırıll Polohov, Maksım Semenov, Egor Shalapov syndy hokkeıshiler muz aıdynǵa shyqsa, shabýyl shebinde Pavel Akolzın, Álıhan Ásetov, Artýr Gatııatov, Dmıtrıı Gýrkov, Saıan Danııar, ıAroslav Evdokımov, Batyrlan Muratov, Maksım Mýsorov, Anton Nekrıach, Kırıll Panıýkov, Egor Petýhov, Anton Sagadeev, Dmıtrıı Shevchenko, Arkadıı Shestakov boı kórsetedi.
Atalǵan oıynshylardyń barlyǵy ulttyq jáne jastar quramalarynda el namysyn qorǵap júr. Sondyqtan olar úshin eki kezdesý ózderin jaqsy qyryna tanytýǵa múmkindik beredi.
Esterińizge sala ketelik, qazir «Barys» qurlyqtyq hokkeı lıgasy turaqty kezeńindegi jalpy týrnır kestesinde 82 upaımen altynshy orynda tur. Pleı-off kezeńine beriletin joldamaǵa birneshe týr buryn qol jetkizip qoıdy. Al «Amýr» 18, «Admıral» 20-orynda keledi.
Budan buryn «Barys» «Salavat ıÝlaevtan» basym túskenin jazǵan edik.
