QHL: «Barys» «Sıbır» komandasynan jeńilip qaldy
ASTANA. QazAqparat - Qazaqstandyq «Barys» komandasy Qurlyqtyq hokkeı lıgasyndaǵy úshinshi oıynyn Reseıde «Sıbır» (Novosibir) komandasyna qarsy ótkizdi, dep habarlaıdy QazAqparat tilshisi.
Kezdesý tartysty ótti. Komandalar bir-biriniń qaqpasy mańynda jıi boı kórsetti.
Soǵan qaramastan alǵashqy eki kezeńde komandalar bir-biriniń qaqpasynan sańylaý taba alǵan joq.
Úshinshi kezeńde de komandalar osy qarqynnan taımady. Dese de tablodaǵy esepke ózgeris engen joq.
Osylaısha kezdesýdiń negizgi bóligi 0:0 esebimen teń aıaqtalyp, oıyn overtaımǵa ulasty. Overtaımda da jeńimpaz anyqtalǵan joq. Býllıtte «Sıbır» mergendik tanytty.
Osylaısha «Barys» qarsylasyna býllıtten 0:1 esebimen jol berdi.
Endi elordalyq klýb 9 jáne 11 qyrkúıekte syrt aıdynda reseılik «Avangard» (Omby), «Dınamo» (Máskeý) klýbtarymen sheberlik baıqasady.
Al elordada 16 qyrkúıekte Reseıdiń «Admıral», 18 qyrkúıekte «Neftehımık» komandalaryn qabyldaıdy.
Eske salsaq, budan buryn «Barys» elordada Reseıdiń «Salavat ıÝlaev» (2:3), «Sıbır» (4:5) komandalaryna jeńilip qaldy.
