QHL: «Barys» «Sıbır» komandasyna jeńilip qaldy
NUR-SULTAN. QazAqparat - Elordalyq «Barys» qurlyqtyq hokkeı lıgasynda búgin Reseıde Novosibir qalasynyń «Sıbır» komandasymen kezdesti, dep habarlaıdy QazAqparat tilshisi.
Bul kezdesýde reseılik klýb jınaqy oıyn kórsetti. Nátıjesinde 23-mınýtta olardyń qatarynan Nıkıta Shashkov esep ashty. Al 31-mınýtta «Barys» hokkeıshisi ıAkob Lılıa tarazy basyn teńestirdi.
Oıynnyń 33-mınýtynda «Sıbır» sapynan Egor Mılovzorov komandasy alǵa shyǵardy. Kezdesýdiń bitýine 37 sekýnd qalǵanda reseılik taǵy bir hokkeıshi Oleg Lı qorytyndy esepti belgiledi.
Osylaısha «Barys» qarsylasyna 1:3 esebimen ese jiberdi.
Aıta keterligi, elordalyq klýb qatarynan úsh týr boıy jeńiske jete almaı keledi.
Esterińizge sala ketelik, eki komanda buǵan deıin 37 márte kezdesti. Onyń 14-i «Barystyń» jeńisimen aıaqtalsa, qalǵanynda «Sıbır» jeńiske jetti.
Foto: www.hcbarys.kz
