QHL: «Barys» Shyǵys konferentsııasynda tórtinshi orynǵa kóterildi
ASTANA. QazAqparat - Qurlyqtyq hokkeı lıgasy aıasynda Astananyń «Barysy» Slovakııaǵa baryp, Bratıslavanyń «Slovanymen» oınady, dep habarlaıdy QazAqparat Sports.kz-ke silteme jasap.
Andreı Skabelkanyń komandasy birinshi kezeńde shaıba jiberip alǵanmen, Nıkıta Mıhaılıs jáne Dmıtrıı Grentstiń kúsh salýymen qazaqstandyq komanda 2:1 esebimen jeńdi.
Endi «Barystyń» enshisinde 37 upaı bar. Bul elordalyq ujymnyń QHL Shyǵys konferentsııasynda tórtinshi orynǵa kóterilip, Qazannyń «Aq Barsymen» teńesýine múmkindik berdi. Biraq qazaqstandyq ujym eki oıyn az ótkizgen.
Kelesi oıynyn «Barys» 12 qarasha kúni Novosibirde «Sibirge» qarsy ótkizedi.
