QHL: «Barys» «Salavat ıÝlaevty» 5:2 esebimen jeńdi
ASTANA. QazAqparat - "Barys" hokkeı klýby búgin Ýfa qalasynyń "Salavat ıÝlaev" komandasyn 5:2 esebimen jeńip, Gagarın kýbogynyń pleı-off serııasyndaǵy esepti teńestirdi.
Naýryz meıramyna sáıkes kelgen oıynǵa keshegi, birinshi oıyndaǵydaı jankúıerler kóp jınaldy. Trıbýnalar lyq toldy. Jınalǵan qaýym «Barys» Ulystyń uly kúninde keshegi jeńilistiń esesin qaıtarady degen nyq senimde otyrdy. «Barystyń» oıynshylary da oıynǵa qol sybanyp, belsene kiristi. Shabýyldy údetip, qarsylastaryna keshegi oıynnan sabaq alǵanyn anyq bildirdi. Aqyrynda jankúıerlerdiń úmiti aqtalyp, búgin «Barys» ýfalyq qarsylastaryn jeńip, serııadaǵy esepti 1:1 ǵyp teńestirdi. Kelesi eki match naýryzdyń 24-i men 25-i «Salavat ıÝlaevtyń» muz aıdynynda ótedi.
