QHL: «Barys» «Salavat ıÝlaevty» 20-márte jeńdi
NUR-SULTAN. QazAqparat - Elordalyq «Barys» qurlyqtyq hokkeı lıgasynda búgin Ýfa qalasynyń komandasy «Salavat ıÝlaevpen» kezdesti, dep habarlaıdy QazAqparat tilshisi.
Búgingi oıynda aıdyn ıeleri alǵash bolyp esep ashty. Kezdesýdiń 23-mınýtynda Shakır Mýhamadýllın mergendik tanytsa, 32-mınýtta Aleksandr Alekseev esepti ústemeleı tústi.
Úshinshi kezeńde «Barys» sapynan Maksım Mýsorov 41, Darren Dıts 48-mınýtta gol soqty. Osylaısha tarazy basy teńesip, oıyn overtaımǵa ulasty. Overtaımda qazaqstandyq Roman Starchenko jeńis shaıbasyn soqty. «Barys» qarsylasyn 3:2 esebimen jeńdi.
Eki komanda buǵan deıin 45 márte kezdesti. Onyń 19-y «Barystyń» jeńisimen aıaqtalsa, búgin ony 20-ǵa jetkizdi. Qalǵanynda reseılik klýbtyń mereıi ústem boldy.
Bıylǵy maýsymda «Barys» toǵyz kezdesý ótkizdi. Onyń úsheýinde jeńiske jetip, qalǵanynda qarsylastaryna ese jiberdi.
«Barys» endi 14 qazanda Reseı astanasy – Máskeý qalasynda «Spartakpen» kezdesedi.
