QHL: «Barys» «Salavat ıÝlaevtan» oısyraı jeńildi
ASTANA. QazAqparat - Qurlyqtyq hokkeı lıgasynda elordanyń «Barysy» kezekti oıynyn syrt aıdynda Reseıdiń «Salavat ıÝlaev» komandasymen ótkizdi, dep habarlaıdy QazAqparat tilshisi.
«Barys» atalmysh kezdesýdi óte sátsiz ótkizdi. «Salavat ıÝlaev» alǵashqy goldy nebári 49-sekýndta soǵyp úlgerdi. Al 15-mınýtta «Barys» sapynan Andre Peterson tarazy basyn teńestirdi. Birinshi kezeń aıaqtalar tusta, dálirek aıtqanda, 18-mınýtta muz aıdyn ıeleri sapynan Tezmý Hartıkaınen shaıba soǵyp, óz komandasyn esep basymdyǵyna jetkizdi.
Ekinshi kezeńde bizdiń jigitter óz qaqpasyna bes shaıba jiberip aldy. «Salavat ıÝlaev» sapynan 21-mınýtta Artem Sergeev esepti 3:1-ge jetkizse, 25-mınýtta Tezmý Hartıkaınen taǵy bir goldyń avtory atandy. Odan keıin Fılıp Larsen 27, Pınýs Ýmark 31, Ioona Kemppaınnen 35-mınýtta bir-birden shaıba soqty. Osylaısha tabloda 7:1 esep janyp turdy.
Úshinshi kezeńde «Barys» es jınaǵan sekildi. Eki shaıba engizip, esep aıyrmasyn qysqartty. Atap aıtqanda, 46-mınýtta Nıkıta Mıhaılıs, 53-mınýtta Dmıtrıı Shevchenko mergendik tanytty. Esep 7:3. Oyn osy eseppen aıaqtaldy.
«Barys» aldaǵy úsh oıynyn syrtta ótkizedi. 24 qyrkúıekte Reseıde Máskeýdiń «Dınamosymen» kezdesse, 26 qyrkúıekte Podolskiniń «Vıtıazimen» sheberlik baıqasady. Al 29 qyrkúıekte Latvııanyń Rıga qalasynyń «Dınamo» klýbymen sheberlik baıqasady.
Foto:hcbarys.kz
