QHL: «Barys» «Salavat ıÝlaevtan» basym tústi
ASTANA. QazAqparat - Elordalyq «Barys» qurlyqtyq hokkeı lıgasyndaǵy kezekti kezdesýinde búgin syrt aıdynda Ýfanyń «Salavat ıÝlaev» komandasymen kezdesti, dep habarlaıdy QazAqparat tilshisi.
Eki komanda bıylǵy qurlyqtyq hokkeı lıgasynda tórtinshi márte kezdesip otyr. Aldymen 22 qyrkúıekte «Barys» Ýfada atalmysh qarsylasynan 3:4 esebimen jeńilse, 8 qarashada elordada 0:3 esebimen ese jiberdi.
Al 17 qańtarda Astanada ótken taǵy bir kezdesýde overtaımda olardy 1:0 esebimen tize búktirdi.
Jalpy, eki komanda búginge deıin 40 márte sheberlik baıqasqan. Onyń 15-i «Barystyń» basymdyǵymen aıaqtalsa, qalǵany «Salavat ıÝlaevtyń» jeńisimen máresine jetken.
«Salavat ıÝlaev» - qurlyqtyq hokkeı lıgasyndaǵy tájirıbeli komandanyń biri. Qazir týrnır kestesinde onynshy orynda tur. Jaǵdaıyn budan da jaqsartýdy maqsat etetini belgili. «Barys» alǵashqy bestikte keledi. Bizdiń komanda da jeńisti qoldan bere qoımaıdy.
Kezdesý tartysty bastaldy desek te bolady. Jankúıerler eki komandanyń alma-kezek shabýylyn tamashalady. Esepti aıdyn ıeleri ashty. Olardyń qatarynan Artem Sergeev 7-mınýtta mergendik tanytty. Kóp uzamaı «Barys» tarazy basyn teńestirdi. Ony 8-mınýtta Nıkıta Mıhaılıs óziniń enshisine jazdy.
Ekinshi kezeń de osylaısha órbidi. Alǵashqy mınýttarda «Barystyń» shabýyl shebindegi qarqyny erekshe baıqaldy. Nátıjesinde 32-mınýtta Andre Peterson astanalyq klýbty alǵa shyǵardy. Degenmen «Barys» bul esepti kóp ustap tura alǵan joq. «Salavat ıÝlaev» sapynan 33-mınýtta Lınýs Ýmark shaıba soqty. Esep 2:2.
Úshinshi kezeńde aıdyn ıeleri oıyn taǵdyryn erterek sheshýge tyrysty. Olar bizdiń qaqpa mańynda jıi boı kórsetti. «Barys» hokkeıshileri de qarsylasty qapy qaldyratyn shabýyl uıymdastyrýdy esten shyǵarǵan joq. Oıyn 2:2 esebimen teń aıaqtaldy. Kezdesý overtaımǵa ulasty. Overtaımda jeńis shaıbasyn Andre Peterson soqty. Esep 3:2. «Barys» komandasy osylaısha Ýfadan oljaly qaıtty.
Budan buryn «Barys» Astanada Fınlıandııanyń «Iokerıt» komandasyn 8:2 esebimen jeńdi.
«Barys» endi azdaǵan úzilis alady. Odan keıin Astanada 12 aqpanda Novosibirdiń «Sıbır», 14 aqpanda Qytaıdyń «Kýnlýn Red Star», 16 aqpanda Ombynyń «Avangard» klýbtaryn qabyldaıdy.
