QHL: «Barys» reseılik «Metallýrg» komandasynan úshinshi ret jeńildi
NUR-SULTAN. QazAqparat - Qazaqstandyq «Barys» elordada qurlyqtyq hokkeı lıgasynyń pleı-off satysynda búgin reseılik «Metallýrg» (Magnıtogorsk) komandasymen úshinshi kezdesýin ótkizdi, dep habarlaıdy QazAqparat tilshisi.
Búgingi kezdesýde reseılik klýb oıyn basynan tizgindi óz qolyna alýǵa tyrysty. Nátıjesinde Denıs Zernov 5, 11-mınýtta mergendik tanytsa, oǵan Lınden Veı 15-mınýtta bir golmen ajýap qaıyrdy.
Budan keıin Denıs Zernov 21-mınýtta taǵy bir márte qaqpany dál kózdese, Grıgorıı Dronov 22, Lınýs Vıdell 35-mınýtta esepti ulǵaıta tústi. Oıyn barysynda qazaqstandyq klýbtan ıAkob Berglýnd 37-mınýtta gol soqty.
Kezdesýde «Barys» qarsylasyna 1:3 esebimen jol berdi.
Eske salsaq, budan buryn Magnıtogorskide ótken alǵashqy kezdesýde «Barys» qarsylasynan 3:2 esebimen basym tússe , odan keıin 2:6 esebimen ese jiberdi.
5 naýryzda elordada bolǵan taǵy bir kezdesýde qarsylasynan 3:5 esebimen súrindi.
Osylaısha jeńister serııasynda «Metallýrg» 3:1 esebimen alǵa shyqty.
Endi taǵy bir oıyn 9 naýryzda Magnıtogorskide ótkiziledi. Bes matchta jeńimpaz anyqtalmaǵan jaǵdaıda odan keıingisi 11 naýryzda elordada ótedi.
