QHL: «Barys» reseılik klýbqa ese jiberdi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýin Reseıdiń «Avtomobılıst» (Ekaterınbýrg) komandasyn qabyldady, dep habarlaıdy QazAqparat tilshisi.
«Barys» sońǵy úsh oıynda qarsylastaryne ese jiberip qoıdy. Sondyqtan búgingi kezdesýde jeńiske jetý jolyn izdeıtini belgili edi.
Kezdesý barysynda «Avtomobılıst» hokkeıshileri esepti alǵashqy bolyp ashty. Oıynnyń 6-mınýtynda Djeff Plett óz komandasyn alǵa shyǵardy. Budan keıin «Barys» hokkeıshileri qarqynyn údete túsken edi. Degenmen birinshi kezeńde esep ózgergen joq.
Aıdyn ıeleri qatarynan 25-mınýtta Egor Shalapov qarsylastar qaqpasyn dál kózdep, tarazy basyn teńestirdi. Al 38-mınýtta «Avtomobılıst» sapynan Brýks Meısek mergendik tanytyp ketti.
Úshinshi kezeńde aıdyn ıeleri taǵy da gol soǵý múmkindigin izdedi. Nátıjesinde 40-mınýtta qazaqstandyq Arkadıı Shestakov qaqpany dál kózdedi. Esep 2:2. Degenmen esep 49-mınýtta taǵy da ózgerdi.
Bul joly da reseılik klýb alǵa shyqty. Goldy Pavel Datsıýk saldy. Al 55-mınýtta elordalyq Darren Dıts taǵy da tarazy tarazyn teńestirdi. 3:3. Kezdesý overtaımǵa ulasty. Jeńis shaıbasyn qonaqtar sapynan Naıjel Doýs soǵyp ketti. Osylaısha «Barys» 3:4 esebimen jeńilip qaldy.
Elordalyq klýb tórtinshi oıyn qatarynan qarsylastaryna ese jiberip qoıdy.
Endi «Barys» elordada bir oıyn ótkizedi. Olar 2 qarashada TsSKA (Máskeý) komandasyn qabyldaıdy. Al odan keıingi kezdesýin 12 qarashada syrt aıdynda Reseıdiń «Severstal» (Cherepovets) klýbyna qarsy ótkizedi.
«Barys» budan buryn Reseıdiń «Metallýrg» (Magnıtogorsk) klýbynan jeńilip qalǵan edi
