QHL: «Barys» reseılik klýbqa bes oıynnan keıin jeńildi
NUR-SULTAN. QazAqparat - Elordalyq «Barys» qurlyqtyq hokkeı lıgasyndaǵy kezekti kezdesýin búgin Reseıde Ekaterınbýrgtiń «Avtomobılıst» komandasyna qarsy ótkizdi, dep habarlaıdy QazAqparat tilshisi.
Búgingi tartysta reseılik komanda oıyn basynan esep ashýǵa umtyldy. Nebári 1-mınýtta «Avtomobılıst» hokkeıshisi Pıter Holland mergendik tanytty. Al 5-mınýtta olardyń qatarynan Brýko Maısek esepti ústemeleı tústi.
Oıynnyń 13-mınýtynda «Barys» hokkeıshisi Roman Starchenko esep aıyrmasyn qysqartty. Reseılik klýb sapynan Alekseı Makeev 35-mınýtta gol soqty.
Úshinshi kezeńniń 53-mınýtynda elordalyq hokkeıshi ıAkob Lılıa qarsylastar qaqpasyn dál kózdedi. Kezdesýde «Avtomobılıst» 3:2 esebimen jeńiske jetti.
Esterińizge sala ketelik, komandalar buǵan deıin 32 márte kezdesti. Onyń 22-i «Barystyń» jeńisimen aıaqtalsa, qalǵanynda qarsylasyna ese jiberdi. Aıta keterligi, sońǵy bes oıynda elordalyq klýb jeńiske jetti.
Esterińizge sala ketelik, «Barys» budan buryn TsSKA komandasyn bes jyldan keıin jeńgen bolatyn.
