QHL: «Barys» pleı-offtyń jartylaı fınalyna qatyspaıdy
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysynyń jartylaı fınalynda oınamaıdy, dep habarlaıdy QazAqparat klýbtyń saıtyna silteme jasap.
Esterińizge sala ketelik, «Barys» jarystyń bul satysynda Reseıdiń «Sıbır» (Novosibir) komandasymen kezdesetin edi. Oıyndar serııasy 17 naýryzda bastalýy tıis bolatyn.
Qazaqstan Repýblıkasynyń Prezıdenti Qasym-Jomart Toqaevtyń Jarlyǵymen bıylǵy jyldyń 16 naýryzy men 15 sáýrir aralyǵynda el aýmaǵynda tótenshe jaǵdaı jarııalandy. Onda osy aralyqta kez-kelgen sporttyq jáne buqaralyq is-sharalardy ótkizýge tyıym salynǵan. Osyǵan baılanysty «Barys» pleı-off satysyna jartylaı fınaly oıynyna qatysýdan bas tartty.
Budan buryn fýtboldan Qazaqstan kýbogynyń alǵashqy kezeńi keıinge shegerildi.
