QHL: «Barys» pleı-offtyń alǵashqy satysyna asa alǵan joq
NUR-SULTAN. QazAqparat - Qazaqstandyq «Barys» qurlyqtyq hokkeı lıgasynyń pleı-off satysynda búgin, 9 naýryzda Reseıde «Metallýrg» (Magnıtogorsk) komandasymen besinshi kezdesýin ótkizedi, dep habarlaıdy QazAqparat tilshisi.
Búgingi kezdesýde reseılik komanda alǵashqy bolyp esep ashty. Oıynnyń 16-mınýtynda Semen Koshelev mergendik tanytty. Al 40-mınýtta qazaqstandyq komandadan Kırıll Savıtskıı tarazy basyn teńestirgen edi.
Odan keıin reseılik Anatolıı Nıkontsev 47-mınýtta gol soqsa, 51-mınýtta Denıs Zernov esepti ulǵaıta tústi.
Osylaısha «Barys» qarsylasyna 1:3 esebimen jol berdi.
Jeńister serııasynda 4:1 esebimen jeńiske jetken «Metallýrg» 1/4 fınalǵa joldama aldy.
Eki komanda buǵan deıin pleı-off satysynda tórt márte jolyqty. Onyń ekeýinde «Barys» jarysty jalǵastyrsa, ekeýinde «Metallýrg» klýbynyń joly boldy.
Qazirge deıin jarystyń atalǵan satysyna Reseıdiń SKA, «Spartak», TsSKA komandalary shyǵyp úlgerdi.
