QHL: «Barys» pleı-offta «Metallýrg» komandasymen ekinshi oıynyn ótkizdi
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysynda búgin reseılik «Metallýrg» (Magnıtogorsk) komandasymen ekinshi kezdesýin ótkizdi, dep habarlaıdy QazAqparat tilshisi.
Kezdesý barysynda qazaqstandyq klýb alǵashqy bolyp esep ashty. Ony 1-mınýtta ıAkob Lılıa óziniń enshisine jazdy.
Odan keıin reseılik klýb sapynan Andreı Chıbısov (5, 21-mınýt), Grıgorıı Dronov (15-mınýt), Fılıpp Maıe (30-mınýt), Brendan Laıpsık (32-mınýt), Djosh Karrı (45-mınýt) qatarynan bes shaıba soǵyp ketti.
«Barys» sapynan 57-mınýtta ıAkob Berglýnd esep aıyrmasyn qysqartty. Budan keıin tablodaǵy esep ózgergen joq. Elordalyq klýb qarsylasyna 2:6 esebimen ese jiberdi.
Endi eki kezdesý 5 jáne 7 naýryzda elordada bolady.
Odan keıingi eki oıyn 9 naýryzda Magnıtogorskide, 11 naýryzda astanada ótedi.
Eki komanda buǵan deıin pleı-off satysynda tórt márte jolyqty. Onyń ekeýinde «Barys» jarys jalǵastyrsa, ekeýinde «Metallýrg» klýbynyń joly boldy.
Eske salsaq, Magnıtogorskide ótken alǵashqy kezdesýde «Barys» qarsylasynan 3:2 esebimen basym tústi.
