QHL: «Barys» pleı-off serııasynyń birinshi oıynynda «Avtomobılısten» basym tústi
ASTANA. QazAqparat - Astanalyq «Barys» Gagarın Kýbogynyń pleı-off serııasynyń birinshi oıynynda óz alańynda ekaterınborlyq «Avtomobılısti» utty.
Oıynyń birinshi kezeńinde qarsylastar esep ashqan joq. Kezdesýdiń kelesi kezeńderinde oıyn qyza túsip, qos komanda da negizgi ýaqytta 2:2 esebimen teń tústi. Alaıda taǵaıyndalǵan qosymsha overtaımda da qarsylastardyń myqtysy anyqtalǵan joq, tek ekinshi ekstra-taımda astanalyqtar úshinshi shaıbasyn salyp, 3:2 esebimen alǵa shyqty.
QHL aıasyndaǵy pleı-off tartysynda erteń «Barys» óz alańynda «Avtomobılıst» hokkeıshilerimen ekinshi oıynyn saǵat 17:00-de «Qazaqstan» sport saraıynda ótkizedi.
