QHL: «Barys» pleı-off serııasynda «Avtomobılısti» ekinshi ret utty
ASTANA. QazAqparat - Elordalyq «Barys» Gagarın Kýbogynyń pleı-off serııasynyń ekinshi oıynynda óz alańynda ekaterınborlyq «Avtomobılısten» basym tústi.
Kezdesýdiń úsh kezeńiniń nátıjesi boıynsha, ıaǵnı negizgi ýaqytta qos komanda da 4:4 esebimen teń tústi. Osydan keıin taǵaıyndalǵan qosymsha overtaımnyń sońǵy mınýttarynda astanalyqtar sheshýshi shaıbany salyp, 5:4 esebimen komandany alǵa shyǵardy.
Esterińizge sala keteıik, keshe pleı-off serııasynyń birinshi oıynynda da elordalyqtar «Avtomobılısti» 3:2 esebimen jeńgen bolatyn.
QHL aıasyndaǵy pleı-off tartysynyń «Avtomobılıstke» qarsy 3- jáne 4- kezdesýlerin «Barys» syrt alańda, ıaǵnı Ekaterınbor qalasynda 11 jáne 12 naýryz kúnderi ótkizedi. Aıta keteıik, astanalyqtar qarsylastaryn qalǵan eki oıynda qatarynan jeńetin bolsa, onda olar pleı-offtyń kelesi kezeńine ótedi.
