QHL: «Barys» pleı-off satysyndaǵy alǵashqy jeńisine qol jetkizdi
NUR-SULTAN. QazAqparat - Elordalyq «Barys» qurlyqtyq hokkeı lıgasy pleı-off satysynda búgin reseılik «Metallýrg» (Magnıtogorsk) komandasymen alǵashqy kezdesýin ótkizdi, dep habarlaıdy QazAqparat tilshisi.
Kezdesý barysynda eki komanda tartysty oıyn ótkizdi. Bir-biriniń qaqpasy mańynda jıi shabýyl jasady. Birinshi kezeńde esep ashylǵan joq.
Ekinshi kezeńniń alǵashqy mınýttarynda qazaqstandyq klýbtyń basymdyǵy baıqalyp turdy.
Nátıjesinde 22-mınýtta elordalyq klýbtan Tomash ıÝrcho mergendik tanytty.
Úshinshi kezeńde «Barys» hokkeıshisi ıAkob Lılıa 40-mınýtta esepti ústemeleı tústi. Al 47-mınýtta reseılik klýbtan Lınýs Vıdell kózdegen nysanadan múlt ketken joq.
Tomash ıÝrcho 50-mınýtta taǵy bir márte mergendigimen kózge tústi. Reseılik klýbtan Nıkolaı Goldobın 52-mınýtta esep aıyrmasyn qysqartty.
Osylaısha «Barys» qarsylasyn 3:2 esebimen tize búktirdi. Nátıjesinde pleı-off satysyndaǵy jeńister serııasynda alǵashqy upaıyna qol jetkizdi.
Endi taǵy bir oıyn 3 naýryzda Magnıtogorsk qalasynda ótedi. Odan keıingi eki kezdesý 5 jáne 7 naýryzda elordada bolady.
Alǵashqy tórt matchta jeńimpaz anyqtalmaǵan jaǵdaıda odan keıingi oıyndar 9 naýryzda Magnıtogorskide, 11 naýryzda Nur-Sultanda, 13 naýryzda Magnıtogorskide ótedi.
