QHL: «Barys» pleı-off kezeńiniń kelesi satysyna shyǵa ala ma

Jarys talaby boıynsha kezeńniń atalmysh satysynda komandanyń bireýi tórt jeńiske jetkenge deıin sozylady. Alǵashqy kezdesý 1 naýryzda bastalady. Sol kúni elordada eki komanda kezdesse, 3 naýryzda elordada taǵy bir oıyn ótedi. Al 5 jáne 7 naýryz kúnderi match Magnıtogorsk qalasynda bolady. Qajet bolǵan jaǵdaıda qosymsha oıyndar 9, 11, 13 naýryz kúnderi oınalady.

Aıta keterligi, «Barys» qurlyq hokkeı lıgasyna bıyl 12 márte qatysty. Sonyń onynda pleı-off satysynyń baq synady. 2014, 2017, 2019 jyldarda jarystyń ekinshi kezeńine shyqty.

«Barys» pleı-off kezeńine onynshy márte joldama alyp otyr. Onyń úsheýinde shırek fınaldan ótip, jartylaı fınalda baq synaýǵa múmkindik aldy. 2013/2014 jylǵy kezeńde shırek fınalda «Barys» Reseıdiń «Avtomobılıst» (Ekaterınbýrg) kezdesip, barlyq tórt oıynda qarsylasynan basym tústi. Al jartylaı fınalda Reseıdiń «Salavat ıÝlaev» (Ýfa) klýbynan jalpy oıyn serııasynda 2:4 esebimen jeńilip qaldy.

Al 2017/2018 jylǵy kezeńde shırek fınalda Reseıdiń «Traktor» (Chelıabınsk) klýbyn oıyn serııasynda 4:2 esebimen tize búktirdi. Jartylaı fınalda búgingi qarsylasy - «Metallýrg» klýbyna jol berdi.

2018/2019 jylǵy kezeńde jarystyń birinshi satysynda Reseıdiń «Torpedo» (Nıjnıı Novgorod) komandasyn oıyndar serııasynda 4:3 esebimen jeńip, odan keıin Reseıdiń «Avangard» (Omby) klýbyna 2:4 esebimen jol berdi.

Eki komanda buǵan deıin pleı-off satysynda eki márte jolyqty. 2011/2012 jylǵy kezeńde shyǵys konferentsııasynda 1/4 fınalda reseılik klýb oıyndar serııasynda 4:3 esebimen jeńiske jetip, jarysty jalǵastyrýǵa múmkindik aldy. Al 2016/2017 jylǵy kezeńde eki komanda shyǵys konferentsııasynda jartylaı fınalda jolyǵyp, oıyndar serııasynda elordalyq komanda qarsylasyna 0:4 esebimen ese jiberdi.

Kezdesý elorda ýaqytymen 17.00-de bastalady. Oıyn Qazsport telearnasynan tikeleı efırde kórsetiledi.