QHL: «Barys» pleı-off kezeńiniń ekinshi kezdesýinde jeńilip qaldy
NUR-SULTAN. QazAqparat - Búgin elordalyq «Barys» pleı-off satysynda Reseıdiń «Metallýrg» (Magnıtogorsk) komandasymen ekinshi kezdesýin ótkizdi, dep habarlaıdy QazAqparat tilshisi.
Kezdesýdiń alǵashqy mınýtynan tartysty oıyn órbidi. Reseılik hokkeıshiler tarapynan belsendilik baıqalyp turdy. Olar «Barys» qaqpasy mańynan jıi boı kórsetti. Dese de birinshi kezeńde esep ashylǵan joq.
Ekinshi kezeńde de «Metallýrg» alǵa qaraı umtyldy. Nátıjesinde reseılik komanda «Barys» qaqpasyna gol soǵyp ketti. Oıynnyń 24-mınýtynda reseılik Andreı Nestrashıl mergendik tanytty. Al 27-mınýtta Sergeı Mozıakın esepti ústemeleı tústi. Andreı Nestrashıl 36-mınýtta kezdesýdegi ekinshi goldyń avtory atandy.
Úshinshi kezeńde «Barystyń» belsendiligi baıqaldy. Degenmen eki komanda da gol soǵa alǵan joq. Oıynda «Barys» 0:3 esebimen jeńilip qaldy.
Eki komanda arasyndaǵy alǵashqy kezdesýde «Barys» 4:0 esebimen jeńiske jetti.
Endi 5 jáne 7 naýryz kúnderi eki match Magnıtogorsk qalasynda bolady.
Jarys talaby boıynsha kezeńniń atalmysh satysynda komandanyń bireýi tórt jeńiske jetkenge deıin sozylady. Qajet bolǵan jaǵdaıda qosymsha oıyndar 9, 11, 13 naýryz kúnderi ótkiziledi.
Foto: www.hcbarys.kz
