QHL: «Barys» pleı-off kezeńine joldama aldy
NUR-SULTAN. QazAqparat - Búgin elordalyq «Barys» resmı túrde Qurlyqtyq hokkeı lıgasynyń pleı-off kezeńine joldama aldy, dep habarlaıdy QazAqparat tilshisi.
Esterińizge sala ketelik, budan buryn elordalyq klýbtyń pleı-off kezeńine joldama taǵdyry sheshiletinin jazǵan edik. Ol úshin «Barys» «Neftehımıkten» basym túsip, Qytaıdyń «Kýnlýn Red Stary» Reseıde «Traktordan» jeńilýi tıis bolatyn. Oıyn barysy qazaqstandyq jankúıerler kútkendegideı órbidi. «Kýnlýn Red Star» «Traktordan» 1:3 esebimen jeńilip qaldy. Al «Barys» elordada Reseıdiń «Neftehımık» klýbynan 2:1 esebimen basym tústi.
Nátıjesinde «Barys» pleı-off kezeńine joldama aldy. Osylaısha mundaı múmkindikke ıe bolǵan jeti komandanyń qataryna qosyldy. Buǵan deıin Reseıdiń «Avangard», «Ak Bars», TsSKA, SKA, «Dınamo», Fınlıandııanyń «Iokerıt» klýbtary joldamaǵa qol jetkizdi.
«Barys» 2015/2016, 2017/2018 jyldary Qurlyqtyq hokkeı lıgasynyń pleı-off kezeńinen shet qalyp qoıǵan bolatyn. Al 2013/2014, 2018/2019 jyldary shyǵys konferentsııasynda jartylaı fınalǵa deıin jetti.
