QHL: «Barys» óz aıdynynda Rıganyń «Dınamo» komandasyn utty
ASTANA. 18 qańtar. QazAqparat /Rýslan Ǵabbasov/ - Keshe keshqurym Qurlyqtyq hokkeı lıgasy aıasynda ótken oıynda astanalyq «Barys» óz aıdynynda Rıganyń «Dınamo» komandasyn býllıt serııasynda utty.
Keshegi oıyn óte tartysty boldy. Oıynnyń úsh kezeńin qarsylastar 5:5 esebimen aıaqtady. Budan keıin hokkeıshilerge overtaım qosymsha ýaqyty berilse de, olardyń múmkindikteri taǵy da teń tústi. Tek, qosymsha ýaqttan keıingi býllıt tartysynda «Barys» komandasy basymdyǵyn kórsetti. Oıyn 6:5 esebimen astanalyqtardyń jeńisimen aıaqtaldy.
«Barystyń» kelesi oıyny 19 qańtarda Astanadaǵy «Qazaqstan» sport saraıynda Máskeý oblysynyń «Atlant» komandasymen bolady. QHL kestesindegi Batys konferentsııasynda «Atlant» 70 upaımen 5 orynda tur. Al «Barys» Shyǵys konferentsııasynda 67 upaımen 7 orynǵa turaqtady.
