QHL: «Barys» óz aıdynynda «Metallýrgti» jeńdi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Metallýrg» (Magnıtogorsk) komandasyn qabyldady, dep habarlaıdy QazAqparat tilshisi.
Búgingi oıynda qos komandanyń da belsendiligi aıqyn ańǵarylyp turdy. Birinshi kezeń tartysty órbidi. Dese de qos komanda da bir-biriniń qaqpasynan sańylaý taba alǵan joq.
Alǵashqy gol oıynnyń 29-mınýtynda soǵyldy. Bul sátte «Barys» sapynan Lınýs Vıddel mergendik tanytty. Al 34-mınýtta elordalyq hokkeıshi Darren Dıts esepti ústemeleı tústi. Oıynnyń 39-mınýtynda reseılik Andreı Nestrashıl esep aıyrmasyn qysqartty.
Úshinshi kezeńde elordalyq hokkeıshiler sátti bastady. Kezdesýdiń 42-mınýtta «Barys» hokkeıshisi Korban Naıt «Metallýrg» qaqpasyn dál kózdedi. Onyń áriptesi Roman Starchenko da 45-mınýtta qanjyǵasyn maılady. Andreı Nestrashıl 49-mınýtta búgingi kezdesýdegi ekinshi shaıbasyn soqty. Al 56-mınýtta «Metallýrg» sapynan Vıktor Antıpın mergendik tanytty. Budan keıin reseılik klýb tarazy basyn teńestirýge umtyldy. Degenmen ol maqsatyna jete alǵan joq. Osylaısha elordalyq klýb qarsylasyn 4:3 esebimen tize búktirdi. «Barys»qatarynan úsh márte jeńiske jetip otyr.
Budan buryn «Barys» elordada Reseıdiń «Salavat ıÝlaev» komandasyn jeńdi.
Endi «Barys» qatarynan tórt oıyndy syrt aıdynda ótkizedi. Aldymen 21 qańtarda Fınlıandııada jergilikti «Iokerıtpen» kezdesse, odan keıin 23 qańtarda Reseıdiń SKA (Sankt-Peterbýrg), 25 qańtarda «Salavat ıÝlaev» (Ýfa), 27 qańtarda «Avtomobılıst» (Ekaterınbýrg) komandalarymen sheberlik baıqasady.
