QHL: «Barys» óz aıdynynda máskeýlikterdi utty
ASTANA. 23 aqpan. QazAqparat - Keshe keshqurym Qurlyqtyq hokkeı lıgasy aıasynda elordada ótken oıynda astanalyq «Barys» máskeýlik «Spartakty» overtaımda utty.
Oıyn nátıjesi boıynsha esep 3:2 bolyp, astanalyqtardyń paıdasyna jazyldy. Endi osy jeńisi arqyly «Barys» chempıonattyń ekinshi kezeńine joldama aldy.
QHL chempıonatynda qarsylastar 8 ret kezdesip, onyń tórteýinde elordalyqtar jeńiske jetti.
«Barys» búginde chempıonattyń Shyǵys konferentsııasynda 81 upaıymen 7-shi orynda, al «Spartak» Batys konferentsııasynda 62 upaıymen 9-shy orynǵa turaqtady.
Astanalyqtardyń kelesi oıyny 24 aqpanda elordadaǵy «Qazaqstan» sport saraıynda «Severstal» komandasymen bolady.
