QHL: «Barys» óz aıdynynda ese jiberip aldy
ASTANA. 13 qańtar. QazAqparat /Rýslan Ǵabbasov/ - Keshe keshqurym Qurlyqtyq hokkeı lıgasy aıasynda Astanada ótken oıynda «Barys» hokkeıshileri Novosibirdiń «Sibir» komandasyna 1:2 esebimen utyldy.
Bul kezdesýdiń birinshi kezeńinde, ıaǵnı oıynnyń alǵashqy 20 mınýtynda negizgi basymdyq astanalyq hokkeıshilerde bolǵanymen olar shaıba salý múmkindikterin júzege asyra almady. Tek ekinshi kezeńniń 31-shi mınýtynda elordalyq komandanyń kapıtany Kevın Dallmen esep ashty. Alaıda, araǵa eki mınýt salyp qarsylas komandanyń hokkeıshisi Maksım Krıvonojkın «Barys» qaqpashysy Vıtalıı Eremeevtiń qaqpasynan sańylaý taýyp, esepti teńestirdi. Budan keıingi 7 mınýttan soń «Sibir» komandasy ekinshi shaıbany salyp, oıyn taǵdyryn sheshti. Sebebi, bul tartysty dodanyń úshinshi kezeńinde astanalyqtar qanshalyqty shabýyl jasaǵanymen «Sibir» qaqpashysy Bernda Brıýklerdiń sheberliginiń arqasynda esepti teńestire almady.
Astanalyq komanda búginde 62 upaımen Qurlyqtyq hokkeı lıgasynyń Shyǵys konferentsııasynda 8 orynda turaqtady.
Aıta keteıik, «Barystyń» 15 qańtardaǵy «SKA» (Sank-Peterbor) komandasymen bolatyn kelesi oıyny syrt aıdynda ótedi.
