QHL: «Barys» óz aıdynynda azýly qarsylasyna utyldy
ASTANA. 4 aqpan. QazAqparat /Rýslan Ǵabbasov/ - Keshe keshqurym Astanada Qurlyqtyq hokkeı lıgasy aıasyndaǵy oıynda «Barys» Qazannyń «Aq Barsyna» ese jiberip aldy.
Bul oıynda qonaqtar tegeýrindi oıyn kórsete aldy jáne oıynnyń alǵashqy 4 mınýtynda olar esepti birinshi bolyp ashty. Araǵa jarty mınýt salyp astanalyq Talǵat Jaılaýov esepti teńestirý múmkindigin júzege asyrdy. 8-inshi mınýtta «Barys» esepti eseledi. Osydan keıin Qazannyń jattyqtyrýshylary komanda qaqpashysyn aýystyrdy, sondaı-aq «Aq Bars» hokkeıshileriniń oıyn órnegi jańa qarqynmen kúsh aldy. Atap aıtqanda, osy kezdesýde «Barys» qonaqtarynan 4:6 esebimen utyldy.
QHL-dyń týrnırlik kestesine toqtalatyn bolsaq, Shyǵys konferentsııasynda Qazannyń komandasy 83 upaımen 3-inshi orynda tur, al «Barys» 73 upaımen 6-nshy orynda turaqtady.
Astanalyqtardyń kelesi oıyny 5 qańtarda «Qazaqstan» sport saraıynda «Neftehımık» komandasymen ótedi.
