QHL: «Barys» óz alańynda «Severstalǵa» ese jiberdi
NUR-SULTAN. QazAqparat – «Barys» hokkeı komandasy QHL-dyń turaqty chempıonatynyń kezekti matchyn ótkizdi. Elordadaǵy arenada bizdiń komanda «Severstal» quramasyn qabyldady, dep habarlaıdy QazAqparat tilshisi Olympic.kz aqparat kózine silteme jasap.
Qaqpany bul joly Ionı Ortıo qorǵady. Denıs Qarataev muz aıdynyna shyǵyp, quramǵa Álıhan Ásetov, Lınýs Vıdell men Egor Shalapov oraldy.
Elordaǵa kelgen qonaqtar ımenip te, tartynyp ta qalǵan joq. Alǵashqy 4 mınýttyń ózinde eki ret shaıba salyp úlgerdi. Qarsylas komandadan Igor Geraskın men Adam Lıshka komandasyn osylaı órge súıredi. Alǵashqy kezeń aıaqtalǵanǵa deıin Lıshka esep aıyrmasyn úshke deıin uzartty.
Qarsylas komandanyń basymdyǵyna «Barys» tek ekinshi kezeńde jaýap berdi. «Barys» sapyndaǵy Egor Petýhov belsendi qımyldap, «Severstal» komandasynyń qaqpasynan eki ret sańylaý tapty. Qalǵan ýaqytta urymtal sátter jıi bolǵanymen esep osy kúıinde qaldy. Osylaısha, «Barys» 2:3 esebimen qonaqtarǵa ese jiberdi.
Aldaǵy ýaqytta «Barys» Ýfa-Máskeý-Qazan baǵdary boıynsha saparǵa shyǵady. «Salaýat ıÝlaev» komandasymen match 12 qazanda ótedi.
«Barys» – Severstal – 2:3 (0:3, 2:0, 0:0)
0:1 Geraskın (Kapýstın) 00:27
0:2 Lıshka (ıAkovlev, Adamchýk) 03:06
0:3 Lıshka (Morozov, Karımov) 11:27
1:3 Petýhov (Asetov, Svedberg) 30:29
2:3 Volk (Lılıa, Bleker) 31:17
Qaqpashylar: Ortıo – Shýgaev
