QHL: «Barys» overtaımda «Iokerıtten» jeńilip qaldy
NUR-SULTAN. QazAqparat - Elordalyq «Barys» qurlyqtyq hokkeı lıgasynda búgin Fınlıandııanyń «Iokerıt» komandasyn qabyldady, dep habarlaıdy QazAqparat tilshisi.
Oıynnyń birinshi kezeńinde komandalar bir-biriniń qaqpasynan sańylaý taba alǵan joq. Esesine ekinshi kezeń elordalyq klýb úshin sátti boldy. Aldymen 24-mınýtta Egor Petýhov «Barysty» alǵa shyǵarsa, Arkadıı Shestakov 36-mınýtta esepti ústemeleı tústi.
Úshinshi kezeń de aıdyn ıelerine sátti bastaldy. Elordalyq hokkeıshi ıAkob Lılıa 41-mınýtta mergendik tanytsa, 43-mınýtta Lınýs Vıddel qarsylastar qaqpasyn dál kózdedi.
Odan keıin «Iokerıt» hokkeıshileri úsh shaıba soǵyp ketti. Regın Peter 45, 53 mınýttarda mergendik tanytsa, 52-mınýtta Kıvısta Tommı bir goldyń avtory atandy. Al 59-mınýtta Mıkko Lıhtenen tarazy basyn teńestirdi. Kezdesý 4:4 esebimen teń aıaqtaldy. Oıyn overtaımǵa ulasty. Overtaımda «Iokerıt» jeńis shaıbasyn soqty.
Eki komanda buǵan deıin 11 márte kezdesti. Onyń 7-eýi «Barystyń» jeńisimen aıaqtalsa, qalǵanynda fınlıandııalyq klýbtyń mereıi ústem boldy.
