QHL: «Barys» overtaımda «Sıbır» komandasyna ese jiberdi
ASTANA. QazAqparat - Qazaqstandyq «Barys» komandasy Qurlyqtyq hokkeı lıgasyndaǵy ekinshi oıynyn Reseıdiń «Sıbır» komandasyna qarsy ótkizdi, dep habarlaıdy QazAqparat tilshisi.
Búgingi kezdesý barysynda komandalar tartysty oıyn kórsetti. Alǵashqy kezeńde qazaqstandyq klýbtyń belsendiligi baıqalyp turdy. Nátıjesinde olardyń qatarynan Davıd Sklenıchka 5, Aleks Grant 11-mınýtta mergendik tanytty.
Odan keıin qazaqstandyq klýbtan 25mınýtta Raılı Barber basymdyqty arttyrdy.
Reseılik komanda sapynan Ilıa Morozov 27, Vladımır Býtýzov 39-mınýtta gol soǵyp, esep aıyrmasyn qysqartty.
Al 41-mınýtta Sergeı Dýbakın tarazy basyn teńestirdi.
Odan keıin Batyrlan Muratov 51-mınýtta qaıtadan «Barysty» alǵa shyǵarsa, Alekseı ıAkovlev 53-mınýtta kózdegen nysanadan múlt etken joq.
Negizgi kezeń 4:4 esebimen aıaqtalyp, oıyn overtaımǵa ulasty. Overtaımda reseılik klýbtyń joly boldy.
Osylaısha, «Barys» qarsylasynan 4:5 esebimen jeńilip qaldy.
Endi elordalyq komanda 7 qyrkúıekte Novosibirde «Sıbırmen» taǵy bir márte kezdesedi.
Al 9, 11 qyrkúıekte syrt alańda reseılik «Avangard» (Omby), «Dınamo» (Máskeý) klýbtarymen sheberlik baıqasady.
Eske salsaq, budan buryn elordalyq klýb Reseıdiń «Salavat ıÝlaev» klýbyna ese jiberdi.
