QHL: «Barys» overtaımda «Metallýrg» komandasyn utty
NUR-SULTAN. QazAqparat - Qurlyqtyq hokkeı lıgasynyń kezekti týrynda astanalyq «Barys» Magnıtogorskide «Metallýrg» komandasymen kezdesti, dep habarlaıdy QazAqparat.
«Metallýrg» Shyǵys konferentsııasynda kóshbastaýshy komandalardyń biri bolsa, elordalyq klýb 8-inshi satyda turǵan edi.
Oıyn bastalysymen sanaýly sekýndtardan keıin Álıhan Ásetov esep ashty. Buǵan aıdyn ıelerinen Nıkıta Korostylev jaýap berdi.
Ekinshi taımda «Barysty» ıAkob Lılıa qaıta alǵa shyǵardy. Degenmen, «Metallýrg» esepti teńestirdi. Budan keıin Anton Sagadıev mergendik tanytty – 3:2.
Úshinshi kezeńde «Metallýrg» komandasy tarazy basyn teńestirdi. Overtaımda ıAkob Lılıadan pas alǵan Lınden Veı jeńis golyn soqty. Qorytyndy esep – 4:3.
Osylaısha, ıÝrıı Mıhaılıstiń shákirtteri «Metallýrgti» qatarynan eki ret jeńdi.
Eske sala keteıik, budan buryn, «Barystyń» Magnıtogorskide «Metallýrg» komandasymen kezdesetinin jazǵan bolatynbyz.
