QHL: «Barys» overtaımda «Lokomotıvten» basym tústi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Lokomotıv» (ıAroslavl) komandasyn qabyldady, dep habarlaıdy QazAqparat tilshisi.
«Lokomotıv» - elordalyq klýb úshin qolaısyz qarsylastyń biri. Búgingi kúnge deıin qos komanda 20 márte kezdesken. Onyń nebári 6-aýynda «Barys» basym tússe, qalǵanynda qarsylas basymdyq tanytqan.
Búgingi kezdesýde «Barys» táp-táýir bastaǵan edi. Oıynnyń 7-mınýtynda elordalyq Nıkıta Mıhaılıs esep ashsa, odan keıin 19-mınýtta onyń áriptesi Korban Naıt esepti ústemeleı tústi.
Al 20-mınýtta «Lokomotıv» sapynan Anton Lander esep aıyrmasyn qysqarta tústi. «Barys» hokkeıshisi Dastın Boıd mergendik tanytty. Osylaısha elordalyq klýb 3:1 esebimen alǵa shyqty. Degenmen odan keıin reseılik klýb sapynan 31-mınýtta Rýshan Rafıkov, 45-mınýtta Stefan Da Kosta gol soǵyp, nátıjesinde tarazy basyn teńesti. Negizgi kezeń 3:3 esebimen teń aıaqtaldy. Overtaımda Anton Sagadeev jeńis shaıbasyn soqty. Osylaısha «Barys» qarsylasynan 4:3 esebimen basym tústi. Aıta keterligi, sońǵy tórt kezdesýde elordalyq klýb «Lokomotıvti» jeńe almı júrgen edi.
«Barys» endi elordada 14 qańtarda Reseıdiń «Salavat ıÝlaev» (Ýfa), 16 qańtarda «Metallýrg» (Magnıtogorsk) komandalaryn qabyldaıdy.
Budan buryn «Barys» elordada Reseıdiń «Avangard» klýbynan 0:3 esebimen jeńilip qaldy.
