QHL: «Barys» overtaımda qarsylasyna ese jiberdi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti oıynynda Belarýste «Dınamo» (Mınsk) komandasymen sheberlik baıqasty, dep habarlaıdy QazAqparat tilshisi.
Esterińizge sala ketelik, elordalyq klýb jańa maýsymdaǵy alǵashqy matchynda Latvııada jergilikti «Dınamo» (Rıga) klýbyn 3:2 esebimen jeńip ketti. Osylaısha chempıonatty sátti bastady .
Al «Dınamo» birinshi týrda oıyn ótkizbesten upaıǵa ıe boldy. Óıtkeni, Fınlıandııanyń «Iokerıt» komandasynyń Belarýske kelmeı qaldy. Olarǵa tehnıkalyq jeńilis jazyldy.
Búgingi kezdesýde aıdyn ıeleri birinshi keezńde basym oınady. Elordalyq klýb negizinen qorǵanysta júrdi.
Ekinshi kezeńde mınskilik komanda basymdyǵyn arttyra tústi. Nátıjesinde olardyń qatarynan Brenjon Kozýn 25, Rob Klınkhammer 26, Artem Demkov 28-mınýttarda mergendik tanytty. Oǵan 39-mınýtta «Barys» hokkeıshisi Anton Sagadeev bir shaıbamen jaýap qaıyrdy. Ekinshi kezeń bitýine sanaýly sekýnd qalǵanda «Dınamo» hokkeıshisi Egor Sharantovıch esep aıyrmasyn arttyra tústi.
Úshinshi kezeńde elordalyq klýb hokkeıshileri beosendilik tanytty. Osynyń arqasynda qatarynan úsh shaıba soǵyp, tarazy basyn teńestirdi. Olardy Roman Starchenko 40, Nıkıta Mıhaılıs 54, Darren Dıts óziniń enshisine jazdy. Oıynnyń negizgi kezeńi 4:4 esebimen aıaqtaldy. Overtaımda «Dınamo» jeńis shaıbasyn soǵyp ketti.
Endi elordalyq klýb 7 qyrkúıekte Reseıdiń TsSKA (Máskeý) komandasymen oınaıdy. Al 10 qyrkúıekte «Barys» elordada Qytaıdyń «Kýnlýn Red Star» komandasyn qabyldaıdy.
