QHL: «Barys» novokýznetskilik «Metallýrg» komandasynan basym tústi
ASTANA. QazAqparat - Búgin Qurlyqtyq xokkeı lıgasy matchtary aıasynda astanalyq "Barys" klýby óz alańynda Novokýznetskiniń "Metallýrg" komandasynan 4:2 esebimen basym tústi.
Alǵashqy aınalymda astanalyq xokkeıshiler óte senimdi oınap, alǵashqy mınýttarda qatarynan eki shaıbany qarsylastar qaqpasyna engizgen bolatyn. Shaıba avtorlary - Kevın Dallman men Konstantın Pýshkarev.
Ekinshi taımda "Barys" sapynda Landın úshinshi shaıba saldy, degenmen qarsylastar qarymta eki gol salyp, bul basymdyqty birshama azaıta aldy.
Al sońǵy on bes mınýttyqta Brendon Bochenskı reseılikterdiń qaqpasynan sańylaý taýyp, "Metallýrg" qaqpashysyn qapyda qaldyryp ketti. Qorytyndy esep - 4:2.
