QHL: «Barys» «Neftehımıkti» oısyrata jeńdi
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti oıynynda Reseıdiń «Neftehımık» komandasymen kezdesti, dep habarlaıdy QazAqparat tilshisi.
«Neftehımık» týrnır kestesinde sońǵy oryndarda keledi. Sondyqtan búgin «Barys» jeńiske jetedi degen boljam kóp aıtyldy. Elordalyq klýb jankúıerlerdiń sol seniminen shyǵa bildi.
Oıynnyń birinshi kezeńinde qazaqstandyq hokkeıshiler basymdyq tanytty. Degenmen esep ashylǵan joq. Ekinshi kezeńniń 21-mınýtynda «Barys» sapynan Darren Dıts qarsylas komanda qaqpashysyn qapy qaldyrdy. Budan keıin 30-mınýtta reseılik hokkeıshi Arsen Hısamýtdınov tarazy basyn teńestirdi. Al 34-mınýtta elordalyq Arkadıı Shestakov «Barysty» taǵy da alǵa shyǵardy. Onyń komandalas áriptesi Atte Oktamaa 34-mınýtta esepti ulǵaıta tústi. Oıynnyń 41-mınýtynda aıdyn ıeleri dórekilik tanytyp, olardyń qaqpasyna belgilengen býllıtti «Barys» hokkeıshisi Korban Naıt múlt jibergen joq.
Úshinshi kezeńde de oıyn barysy alǵashqy eki kezeńdegideı órbidi. Elordalyq klýbtyń basymdyǵy aıqyn ańǵarylyp turdy. Osyndaı qaǵaberis bir sátti tıimdi paıdalanǵan Nıkıta Mıhaılıs 50-mınýtta «Neftehımık» qaqpasyna taǵy bir shaıba engizdi. Osylaısha «Barys» búgingi qarsylasyn oısyrata jeńdi.
«Barys» endi elordada 11 qańtarda Reseıdiń «Avangard» (Omby) komandasymen sheberlik baıqassa, 12 qańtarda Reseıdiń «Lokomotıv» (ıAroslavl), 14 qańtarda «Salavat ıÝlaev» (Ýfa), 16 qańtarda «Metallýrg» (Magnıtogorsk) komandalaryn qabyldaıdy.
Budan buryn «Barys» 6 qańtarda «Avangard» komandasyn jeńdi .
Foto: www.hcbarys.kz
