QHL: «Barys» «Neftehımık» komandasynan basym tústi
NUR-SULTAN. QazAqparat - «Barys» qurlyqtyq hokkeı lıgasynda búgin Reseıde Nıjnekamsk qalasynyń «Neftehımık» komandasymen kezdesti, dep habarlaıdy QazAqparat tilshisi.
Búgingi kezdesýde elordalyq hokkeıshiler jınaqy oıyn kórsetti. Nátıjesinde alǵashqy bolyp esep ashty. Ony 2-mınýtta Lınýs Vıddel óziniń enshisine jazdy. Al 7-mınýtta tarazy basy teńesti. Bul sátte reseılik hokkeıshi Marat Haırýllın mergendigimen kózge tústi.
Ekinshi kezeńiniń 21-mınýtynda elordalyq ıAkob Lılıa taǵy da qazaqstandyq komandany alǵa shyǵardy. Oıyn barysynda budan keıin gol soǵylǵan joq. «Barys» atalǵan qarsylasynan 2:1 esebimen basym tústi.
«Barys» endi 15 qarashada eloradada Belarýstiń «Dınamo» (Mınsk) komandasyn qabyldaıdy.
Eske salsaq, «Barys» budan buryn Reseıde «Lokomotıvten» jeńildi.
