QHL: «Barys» Mınskiniń «Dınamosynan» basym tústi
ASTANA. QazAqparat - Elordalyq «Barys» Mınskiniń «Dınamo» (Belarýs) komandasyn syrt aıdynda jeńip ketti, dep habarlaıdy QazAqparat tilshisi.
Elordalyq «Barys» bıylǵy qurlyqtyq hokkeı lıgasynda óte sátti oıyn kórsetip keledi. Búgingi kúnge deıin 22 oıynnyń 14-de jeńiske jetip, qalǵanynda qarsylasyna ese jiberdi. Budan buryn qatarynan alty jeńiske jetip, odan keıin óz aıdynynda bir kezdesýde jeńilip qaldy. Al «Dınamo» ondaı oıyn órnegin kórsete almaı keledi. Qazir týrnır kestesiniń sońǵy jaǵynda keledi.
«Barys» alǵashqy kezeńde úsh shaıba soqty. Tipti bir mınýt ishinde qarsylas qaqpadan eki márte sańylaý taýyp úlgerdi. Aldymen 11-07-de Roman Starchenko alǵashqy goldyń avtory atandy, Arada nebári 47 sekýnd ótkende «Barys» hokkeıshisi Nıkıta Mıhaılıs esepti ulǵaıta tústi. Al 17-mınýtta Andre Peterson dáldik tanytty. Osylaısha birinshi kezeń 3:0 esebimen «Barystyń» paıdasyna jazyldy.
Ekinshi kezeńde qos komanda da mergendik tanyta alǵan joq. Bir-biriniń qaqpasy mańynda shabýyl órbitkenimen odan eshbir nátıje kelmedi. Komandalar osylaısha bir-birine gol soqpady.
Úshinshi kezeńde aıdyn ıeleri es jınaǵandaı boldy. «Dınamo» sapynan 52-mınýtta Ivan Drozdov óz qanjyǵasyn maılady. Esep aıyrmasyn qysqartqannan keıin olar tarazy basyn teńestirýge umtyldy. 59-mınýtta aıdyn ıeleri qatarynan Kýınton Haýden esepti bir shaıbaǵa qysqartty. Oıyn 3:2 esebimen «Barystyń» jeńisimen aıaqtaldy.
Esterińizge sala ketelik, budan buryn «Barys» óz aıdynynda Mınskiniń «Dınamo» komandasyn 3:1, Podolskiniń «Vıtıazin» 3:1 , Novosibirdiń «Sıbır» klýbyn 5:2 esebimen jeńdi. Osydan keıin Chelıabiniń «Traktorynan» overtaımda 3:4 esebimen jeńilip qaldy.
«Barys» endi eki oıynyn syrt aıdynda ótkizip, 5 qarashada Bratıslavanyń «Slovan» (Slovakııa), 12 qarashada Novosibirdiń «Sıbır» (Reseı) klýbtarymen kezdesedi. Odan keıin úsh oıyndy qatarynan óz aıdynynda qabyldap, 14 qarashada «Amýr» (Habarovsk), 16 qarashada «Dınamo» (Máskeý), 18 qarashada «Salavat ıÝlaev» (Ýfa) komandalarymen sheberlik baıqasady.
