QHL: «Barys» «Metallýrgti» jeńdi
ASTANA. QazAqparat - Búgin elordalyq «Barys» óz aıdynynda Magnıtogorskiniń «Metallýrg» komandasyn qabyldady, dep habarlaıdy QazAqparat tilshisi.
«Barys» komandasy sońǵy oıyndarda qarsylastaryna ese jiberip qoıyp júr. Atap aıtqanda, sońǵy jeti kezdesýde nebári 2 márte jeńiske jetken edi. Qazir «Barys» sapynda birqatar hokkeıshiler jaraqat alyp qalǵany belgili. Olardyń kópshiligi komandany alǵa súırep júrgen oıynshylar sanalady. Sondyqtan «Barystyń» oıyny barysynda azdaǵan qıyndyqtar týyp jatyr.
Búgingi qarsylas «Metallýrg» klýby ońaı shaǵylatyn jańǵaq emes. Týrnır kestesinde aldyńǵy bestikte keledi. «Barys» ta aldyńǵy ondyqta tur. Sol sebepti búgingi oıyn tartysty ótetini belgili edi.
Kezdesý barysy solaı órbidi. Degenmen alǵashqy ekinshi kezeń bizdiń komanda úshin sátti ótti. Atap aıtqanda, 22-mınýtta komandalas áriptesi Alekseı Maklıýkovtyń pasynan keıin Pavel Akolzın esep ashty. Kelesi shaıbany 39-mınýtta Mettıý Frettın soqty. Osylaısha «Barys» 2:0 esebimen alǵa shyqty.
Úshinshi kezeńde bizdiń hokkeıshiler esep aıyrmasyn taǵy bir shaıbaǵa ulǵaıtty. 43-mınýtta komandalas áriptesteri Valerıı Orehov pen Pavel Akolzınniń bergen pasyn Nıkıta Mıhaılıs golǵa aınaldyrdy. Odan keıin «Metallýrg» hokkeıshileri eki shaıbany soqty. Aldymen 48-mınýtta Roman Lıýbımov, 58-mınýtta Iıro Pakarınen óz qanjyǵalaryn maılady. Esep 3:2. Oıyn sońyna deıin osy esep ózgergen joq. Elordalyq klýb jeńiske jetti.
Esterińizge sala ketelik, 1 jeltoqsanda «Barys» elordada Ekaterınbýrgtiń «Avtomobılıst» klýbynan 2:7 esebimen jeńilip qalǵan edi.
Budan keıin syrt aıdynda Helsınkıdiń «Iokerıtin» býllıtte 2:1 esebimen tize búktirdi. Osynyń nátıjesinde «Barys» úsh oıyndyń jeńilis serııasyn toqtatty. Degenmen kelesi kezdesýinde ıAroslavldiń «Lokomotıvinen» 3:5 esebimen jeńilip qaldy. Odan keıin Cherepovetstiń «Severstalinen» 5:3 esebimen basym tústi.
Endi «Barys» elordada 6 jeltoqsanda Chelıabiniń «Traktor» komandasymen sheberlik baıqasady. Odan keıingi úsh oıynyn syrtta ótkizip, 8 jeltoqsanda Vladıvostoktyń «Admıral», 10 jeltoqsanda Habarovskide «Amýr», 12 jeltoqsanda Qytaıda «Kýnlýn Red Star» komandalarymen kezdesedi. Al 18 jeltoqsanda eloradada Cherepovetstiń «Severstal» komandasyn qabyldaıdy.
