QHL: «Barys» «Metallýrg» komandasymen aıdynda kezdesedi
NUR-SULTAN. QazAqparat – Qurlyqtyq hokkeı lıgasynyń kezekti týrynda elordalyq «Barys» óz aıdynynda «Metallýrg» (Magnıtogorsk) komandasyn qabyldaıdy, dep habarlaıdy QazAqparat tilshisi.
«Metallýrg» 68 upaımen QHL-dyń jalpy kestesinde, sondaı-aq Shyǵys konferentsııasynda kósh bastap keledi.
Elordalyq komanda 44 upaımen Shyǵys tobynda segizinshi satyda tur.
ıÝrıı Mıhaılıstiń shákirtteri ótken týrda Rıganyń «Dınamosyn» 7:1 esebimen oısyrata utqan bolatyn. Sonyń ishinde «Barystyń» surmergeni Nıkıta Mıhaılıs nátıjeli pas berip, eki goldyń avtory atanǵan edi.
«Metallýrg» syrt aıdynda ótkizgen sońǵy bes kezdesýiniń ekeýinde ǵana jeńiske jetti. «Vıtıaz» (5:3) ben «Salavat ıÝlaevty» (4:3, overtaımda) tize búktirdi. Esesine «Ak Bars» komandasyna overtaımda (3:4) ese jiberdi. «Dınamo» (Mınsk, 0:1) jáne «Avangard» (2:4) komandalarynan da aılasyn asyra almady.
«Barys» óz aıdynynda qarqyndy oıyn tanyta ala ma, ony búgingi kezdesý kórsetedi.
Elorda ýaqytymen saǵat 19.30-da bastalatyn matchty «Qazsport» telearnasynan tikeleı efırde qaraýǵa bolady.
Eske sala keteıik, budan buryn «Barystyń» jańa jyldaǵy alǵashqy kezdesýinde jeńiske jetkenin jazǵan bolatynbyz.
