QHL: «Barys» Máskeýdiń TsSKA komandasyna jol berdi
ASTANA. QazAqparat - Elordalyq «Barys» qurlyqtyq hokkeı lıasyndaǵy kezekti oıynyn Reseı astanasy - Máskeý qalasynyń TsSKA komandasyna qarsy ótkizdi, dep habarlaıdy QazAqparat tilshisi.
Týrnır kestesinde qos komanda qatarlas tur. Búgingi oıynǵa deıin reseılik armııashylar 12 kezdesýde aıdynǵa shyqty. Olar toǵyzynda jeńiske jetip, úsheýinde qarsylastaryna ese jiberdi. Týrnır kestesinde 18 upaımen jetinshi orynda keledi. «Barys» 11 kezdesýdiń altaýynda basymdyq tanytsa, beseýinde qarsylastar yǵyna jyǵyldy. Qorjynynda 15 upaı bar.
Astana tórinde ótken kezdesý tartysty boldy. «Barys» úshin bul qarsylaspen sheberlik baıqasý ońaıǵa túsken joq. Birinshi kezeńde qos komanda da esep ashýǵa umtyldy. Dese de kózdegen maqsatyna jete almady. Alǵashqy kezeńde qonaqtar eki márte aıyp buzdy. Artem Blajıevskıı men Mıhaıl Naýmenkov sondaı jazaǵa tartyldy. Soǵan qaramastan «Barys» oıynshylar sany basymdyǵyn paıdalana alǵan joq. Alǵashqy kezeńde eki qaqpaǵa da shaıba soǵylǵan joq.
Kelesi jıyrma mınýt ta tartysty órbidi. Oıynnyń 26-mınýtynda TsSKA sapynan Artem Blajıevskıı mergendik tanytty. Bul «Barystyń» shabýyl shebin kúsheıtýine túrtki boldy. Degenmen olardyń qaqpa aldynda uıymdastyrǵan shabýyldary óz nátıjesin alyp kelgen joq. Aıta keterligi, bul kezeńde qos komanda tarapynan da eshqandaı tártip buzý oqıǵasy tirkelgen joq.
Úshinshi kezeńde «Barys» tarazy basyn teńestirýge bar kúshin salǵany baıqaldy. Bul kezeń bastalǵanyna nebári eki mınýt ótkende Pavel Akolzın esepti 1:1-ge jetkizdi.
Endi «Barys» úsh oıyndy óz aıdynynda ótkizedi. 3 qazanda Máskeýdiń - TsSKA, odan keıin 7 qazanda Chehııanyń - «Slovan» jáne 9 qazanda búgingi qarsylasy Rıganyń «Dınamo» klýbymen sheberlik baıqasady. Sońǵy 2 mınýtta «Barys» qaqpashyny oıynshyǵa almastyrdy. Osylaısha alty hokkeıshimen oınaýǵa sheshim qabyldady. Bul óz jemisin berdi. «Barys» kapıtany Brendon Bochenskı taǵy da tarazy basyn teńestirdi. Oıynnyń negizgi kezeńi 2:2 esebimen teń aıaqtaldy. Degenmen overtaımda TsSKA jeńis golyn soǵyp ketti. Esep 2:3. «Barys» búgingi qarsylasynan jeńilip qaldy.
Aıta keteıik, «Barys» syrt aıdynda buǵan deıin tórt oıyn ótkizdi. Olar aldymen Tatarstan astanasy - Ýfa qalasynda jergilikti «Salavat ıÝlaevtan» 3:7 esebimen jeńilse, odan keıin Máskeýde «Dınamodan» overtaımda - 3:2, Podolskide «Vıtıazden» býllıten 4:3 esebimen basym tústi. Al Latvııa astanasy - Rıga qalasynda jergilikti «Dınamo» klýbyn 7:3 esebimen tize búktirip ketti.
Foto: hcbarys.kz
