QHL: «Barys» Máskeýde «Dınamodan» basym tústi
ASTANA. QazAqparat - Búgin elordalyq «Barys» qurlyqtyq hokkeı lıasyndaǵy kezekti oıynyn Reseıdiń «Dınamo» (Máskeý) komandasyna qarsy ótkizip, olardy overtaımda 3:2 esebimen tize búktirdi, dep habarlaıdy QazAqparat tilshisi.
Bıyl «Dınamo» komandasy atalmysh týrnırde sátsiz oınap keledi. Búginge deıin barlyǵy toǵyz kezdesýdiń úsheýinde jeńiske jetse, qalǵanynda ese jiberdi. «Barystyń» da jaǵdaıy «Dınamomen» qaraılas. Búginge deıin segiz kezdesýdiń beseýinde ese jiberdi, úsheýinde jeńiske jetti.
Qos ujym da bul kezdesýde jeńiske jetýdi kózdegeni anyq. Qaı komanda basym ekeni alǵashqy kezeńde anyqtala qoıǵan joq.
Ekinshi kezeń «Barys» úshin sátti bastaldy. Nebári 2 mınýttaı ótkende elordalyq hokkeıshiler shabýyl uıymdastyrdy. Nıkıta Mıhaılıs jáne Andre Peterson áriptesteri Mettıý Frettınge ádemi pas shyǵaryp berdi. Ony kanadalyq jigit qaqpaǵa darytyp, óz komandasyn alǵa shyǵardy. Dese de 35-mınýtta «Dınamo» oıynshylary san basymdyǵyn paıdalanyp, bizdiń qaqpadan sańylaý tapty. Bul shaıbany máskeýlik Ilıa Nıkýlın engizdi. Esep 1:1.
Sheshýshi úshinshi kezeńde «Dınamo» taǵy da bir oıynshymen artyq oınaý múmkindigine ıe boldy. Olar bul múmkindikti de múlt jibermeı, bir shaıba soǵyp úlgerdi. Dálirek aıtqanda, 46-mınýtta «Dınamo» hokkeıshisi ıÝýso Hıetanen qaqpany dál kózdedi. Al 52-mınýtta «Barysta» dál osyndaı jaǵdaı qalyptasty. Qarsylastar sapynan hokkeıshi aıdynnan qýylyp, bizdiń jigitter basymdyqqa qol jetkizdi. Bizdiń hokkeıshi Kevın Dallman tarazy basyn teńestirip ketti. Esep 2:2. Oıyn overtaımǵa ulasty.
Overtaımda Mettıý Frettın jeńis shaıbasyn soqty. Esep 3:2. «Barys» jeńiske jetti. Degenmen aıdyn ıeleri bul gol erejesiz soǵylǵan dep daý shyǵarǵan edi. Beıneqaıtalaý kórgen tóreshiler onyń beker ekenin kórsetti.
Ótken týrda olar Reseıdiń Ýfa qalasynda jergilikti «Salavat ıÝlaev» komandasynan oısyraı jeńildi. Esep 3:7.
«Barys» aldaǵy eki oıynyn syrt aıdynda ótkizedi. 26 qyrkúıekte Podolskiniń «Vıtıazimen» sheberlik baıqasady. Al 29 qyrkúıekte Latvııanyń Rıga qalasynyń «Dınamo» klýbymen kezdesedi. Al 3 qazanda elordada TsSKA komandasyn qabyldaıdy.
