QHL: «Barys» qytaılyq klýbtan jeńilip qaldy
ASTANA. QazAqparat - Elordalyq «Barys» qurlyqtyq hokkeı lıgasyndaǵy kezekti kezdesýinde óz aıdynynda Qytaıdyń «Kýnlýn Red Star» komandasyn qabyldap, atalmysh qarsylasynan 1:3 esebimen jeńilip qaldy, dep habarlaıdy QazAqparat tilshisi.
Esterińizge sala ketelik, eki komanda bıylǵy qurlyqtyq hokkeı lıgasynda bir márte sheberlik baıqasty. Qytaıda ótken kezdesýde «Barys» olardy 4:1 esebimen tize búktirdi. Qytaılyq klýb sol ketken eseni búgin qaıtardy.
Oıyn bizdiń komanda úshin sátti bastalǵan edi. Nebári 30-sekýndta Alekseı Maklıýkov «Barysty» alǵa shyǵardy. Degenmen odan keıin bizdiń komanda qarsylastar qaqpasynan sańylaý taba alǵan joq. Esesine Qytaıdan kelgen komanda úsh shaıba soǵyp ketti.
Olardyń qatarynan aldymen 10-mınýtta Patrık Dýnd tarazy basyn teńestirdi. Al 13-mınýtta Brendon Ip qytaılyq klýbty alǵa shyǵardy. Sońǵy úsh mınýtta «Barys» tarazy basyn teńestirýge umtyldy. Qaqpashymyz Henrıh Larrsondy oıynshyǵa almastyrǵan. Alaıda bizdiń hokkeıshiler kózdegen maqsatyna jete alǵan joq. Qytaılyq komanda hokkeıshisi Brendon Ip qorytyndy esepti belgiledi. Esep 1:3. «Barys» qatarynan úsh jeńisten keıin qarsylasyna ese jiberip otyr.
«Barys» buǵan deıin syrt aıdyndaǵy tórt kezdesýdiń úsheýinde jeńiske jetti. Elordalyq klýb 28 jeltoqsanda Chelıabide «Traktordy» 0:3 esebimen oısyrata jeńse, odan keıin 30 jeltoqsanda Ombyda «Avangardqa» býllıtten 3:4 esebimen utylyp qaldy . Bizdiń hokkeıshiler Máskeý qalasynda jergilikti «Spartaktan» 3 qańtarda 3:2 esebimen basym tústi. Al 3 qańtarda Sochıde «Sochıdi» 3:0 esebimen qapy qaldyrdy. Odan keıin Astanada Habarovskiniń «Amýr» komandasyn 4:2 esebimen basym tústi.
«Barys» endi Astanada qatarynan úsh oıyn ótkizedi. Aldymen 13 qańtarda Sochıdiń «Sochı», 15 qańtarda Máskeýdiń «Spartak», 17 qańtarda Ýfanyń «Salavat ıÝlaev» komandalaryn qabyldaıdy.
Foto: hcbarys.kz
