QHL: «Barys»«Kýnlýn Red Starǵa» ese jiberdi
NUR-SULTAN. QazAqparat - Búgin qurlyqtyq hokkeı lıgasyndaǵy kezekti oıynynda elordalyq «Barys» Qytaıdyń «Kýnlýn Red Star» komandasynan jeńilip qaldy, dep habarlaıdy QazAqparat tilshisi.
Alǵashqy shaıbany qytaılyq komanda sapynan 17-mınýtta Spenser Fý soqty. Ekinshi kezeńniń 20 jáne 22-mınýttarynda «Barys» hokkeıshileri Iıro Pakarınen men Roman Starchenko qos shaıbanyń avtory atanyp, óz komandasyn alǵa shyǵarǵan edi.
Degenmen budan keıin qytaılyq hokkeıshiler tórt shaıba soǵyp ketti. Olardyń qatarynan Brenjon Ip 23, Ollı Palola 44, Trevor Merfı 51, Lıýk Lokhart 55-mınýttarda mergendik tanytty. Osylaısha «Barys» 2:5 esebimen jeńilip qaldy.
Budan buryn qurlyqtyq hokkeı lıgasynda eki komanda Qytaıda eki oıyn ótkizgen bolatyn. Onyń birinde 8 qyrkúıekte «Kýnlýn Red Star» 1:0 esebimen jeńiske jetse, 9 qyrkúıekte «Barys» 3:2 esebimen basym tústi.
«Barys» budan buryn tórt márte jeńiske jetken edi.
Elordalyq klýb endi eki oıyndy óz alańynda ótkizedi. Aldymen 3 qazanda Nıjnıı Novgorodtyń «Torpedo», odan keıin 6 qazanda Cherepovetstiń «Severstal» klýbymen sheberlik baıqasady.
