KHL: «Barys» — «Kýnlýn Red Star» matchy qashan jáne qaıdan translıatsııalanady
NUR-SULTAN. QazAqparat - Qurlyqtyq hokkeı lıgasy matchynda astanalyq «Barys» qytaılyq «Kýnlýn Red Star» komandasymen kezdesedi, dep habarlaıdy QazAqparat Sports.kz-ke silteme jasap.
Oıyn búgin jergilikti ýaqyt boıynsha 19:30-da 12 000 kórermen sııatyn «Barys-Arena» stadıonynda ótedi. Kezdesý «Qazsport» arnasynan tikeleı translıatsııalanady.
Komandalar buǵan deıin osy maýsym aıasynda Qytaıda kezdesken. Onda 3:2 esebimen qazaqstandyqtar jeńiske jetken.
Aıta keteıik, «Barys» Shyǵys konferentsııasynda 14 upaımen ekinshi orynda tur. Al «Kýnlýn Red Star» toǵyz upaımen 10-orynda keledi.
