QHL: «Barys» komandasy «Traktordy» tize búktirdi
ASTANA. QazAqparat - Elordalyq «Barys» syrt aıdynda Chelıabiniń «Traktor» komandasymen kezdesti. Qurlyqtyq hokkeı lıgasyndaǵy kezekti kezdesýinde «Barys» atalmysh qarsylasyn overtaımda 5:4 esebimen tize búktirdi, dep habarlaıdy QazAqparat tilshisi.
Atalmysh kezdesýde aıdyn ıeleri esepti alǵashqy bolyp ashty. Ony 11-mınýtta Aleksandr Sharov óziniń enshisine jazdy. Oǵan ekinshi kezeńniń 24-mınýtynda «Barys» oıynshysy Andre Peterson jaýap qaıyrdy. Budan keıin «Traktor» elordalyq klýb qaqpasyna eki shaıba soqty. Atap aıtqanda, 26-mınýtta Anton Glınkın, 35-mınýtta Aleksandr Rybakov dáldik tanytty. Al 36-mınýtta «Barys» hokkeıshisi Brendon Bochenskı esep aıyrmasyn qysqartty. Budan keıin 38-mınýtta chelıabilik Aleksandr Sharov bizdiń qaqpadan sańylaý tapty. Esep 4:2. «Traktor» taǵy da eki shaıbamen alǵa shyqty.
Sońǵy kezeńde «Barys» sapynan 54-mınýtta Djeosı Bleker men 59-mınýtta Mettıý Frettın gol avtorlary atanyp, eki komanda teń tústi. Osylaısha oıyn overtaımǵa ulasty. Bul kezeńde Brendon Bochenskı jeńis shaıbasyn soǵyp, óz komandasyn alǵa súıredi. Esep 5:4. «Barys» sońǵy bes oıynda tórt márte jeńiske jetti.
Aıta ketelik, buǵan deıin syrt aıdynda eki kezdesý ótkizdi. 14 qazanda syrt aıdynda Ombynyń «Avangard» klýbyna 3:5 esebimen jol berdi.
Al 16 qazanda Ekaterınbýrgte bıylǵy qurlyqtyq hokkeı lıgasynda 18 oıyn boıy jeńilip kórmegen «Avtomobılıstten» 2:1 esebimen basym tústi.
«Barys» endi bes oıyn qatarynan óz aıdynynda qarsylastaryn qabyldaıdy. Atap aıtqanda, 22 qazanda Mınskiniń «Dınamosymen», 26 qazanda Podolskiniń «Vıtıazimen», 28 qazanda Novosibirdiń «Sıbırimen», 30 qazanda Vladıvostoktyń «Admıralymen», 1 qarashada Chelıabiniń «Traktorymen» kezdesedi.
