QHL: «Barys» klýby Sochıge attandy
NUR-SULTAN. QazAqparat – Elordalyq «Barys» klýby QHL chempıonatynda syrt aıdyndaǵy oıyndaryn ótkizý úshin Reseıge attandy, dep habarlaıdy QazAqparat tilshisi.
«Barys» hokkeı klýbynan málim etkendeı, jattyqtyrýshylar shtaby osy kezdesýlerge qatysatyn komanda quramyn jarııalady.
Qaqpashylar: Henrık Karlsson, Eddı Paskýale, Sergeı Kýdrıavtsev.
Qorǵaýshylar: Djessı Bleker, Darren Dıts, Nıkıta Kleşenko, Alekseı Maklıýkov, Leonıd Metalnıkov, Valerıı Orehov, Atte Ohtamaa, Maksım Semenov, Egor Shalapov.
Shabýylshylar: Álıhan Ásetov, Pavel Akolzın, Dastın Boıd, Lınýs Vıdell, Kertıs Volk, Dmıtrıı Gýrkov, Nıkıta Mıhaılıs, Korben Naıt, Kırıll Panıýkov, Egor Petýhov, Anton Sagadeev, Roman Starchenko, Dmıtrıı Shevchenko, Arkadıı Shestakov.
Jaraqatynan aıyqqan kanadalyq qorǵaýshy Djessı Bleker komandaǵa qaıta qosylsa, onyń otandasy, qaqpashy E.Paskýaleni QHL bir oıynǵa shettetkendikten, ol aldaǵy matchqa qatysa almaıdy.
Andreı Skabelkanyń shákirtteri 7 jeltoqsan kúni «Sochı», 9 jeltoqsanda «Avangard» (Omby) komandalarymen synǵa túsedi. Keıin, 18 jeltoqsanda Nıjnıı Novgorodta «Torpedo», 20-sy kúni Podolskide «Vıtıaz», 22-sinde Máskeýde «Spartakpen» aıdynǵa shyǵady.
Aıta keteıik, buǵan deıin óz aıdynynda «Iokerıt» klýbynan jeńilip qalǵan elordalyqtar 42 upaımen QHL-dyń jalpy kestesinde onynshy, Shyǵys konferentsııasynda tórtinshi orynda keledi.
