QHL: «Barys» kezekti oıynyn syrt aıdynda «Torpedo» komandasymen ótkizedi
NUR-SULTAN. QazAqparat – Qurlyqtyq hokkeı lıgasynyń (QHL) kezekti týrynda «Barys» Nıjnıı Novgorodta jergilikti «Torpedo» komandasymen kúsh synasady, dep habarlaıdy QazAqparat tilshisi.
Elordalyq klýb 47 oıynnan keıin Shyǵys konferentsııasynda 48 upaı jınap, segizinshi orynda keledi.
«Torpedo» sonshama matchtan soń 49 upaımen Batys konferentsııasynda toǵyzynshy satyda tur. Qos komanda da pleı-ofqa shyǵýǵa múmkindik beretin úzdik segizdikke iligýdi maqsat etkendikten, búgingi kezdesýdiń mańyzy zor.
Ótken týrda ıÝrıı Mıhaılıstiń shákirtteri Magnıtogorskide overtaımda «Metallýrgti» jeńse (4:3), «Torpedo» Sankt-Peterbýrgte SKA-dan utylyp qalǵan bolatyn (0:3).
«Torpedo» hokkeı klýby óz saıtynda alty adamnyń koronavırýs juqtyrǵanyn málim etti. Komandanyń medıtsına qyzmetkerleri indettiń odan ári jaıylmaýy úshin aldyn alý is-sharalaryn júrgizýde.
«Torpedo» — «Barys» matchy elorda ýaqytymen saǵat 22.00-de bastalyp, «Qazsport» telearnasynan tikeleı efırde kórsetiledi.
Eske sala keteıik, budan buryn «Barystyń» overtaımda «Metallýrg» komandasyn utqanyn jazǵan bolatynbyz.
