QHL: «Barys» kezekti oıynyn Ekaterınbýrgte «Avtomobılıst» komandasymen ótkizedi
NUR-SULTAN. QazAqparat – Elordalyq «Barys» Qurlyqtyq hokkeı lıgasyndaǵy jańa jylǵa deıingi syrt aıdyndardaǵy oıyndar serııasyn 21 jeltoqsan kúni Ekaterınbýrgte bastaıdy, dep habarlaıdy QazAqparat tilshisi.
ıÝrıı Mıhaılıstiń shákirtteri QHL-da pleı-off kezeńine shyǵý úshin negizgi qarsylastarynyń biri sanalatyn «Avtomobılıst» komandasymen kúsh synasady.
Qazirgi kezde «Avtomobılıst» 39 upaımen Shyǵys konferentsııasynda jetinshi orynda keledi. Odan bir upaıy kem «Barys» segizinshi satyda tur. Sondyqtan aldaǵy kezdesý qos komanda úshin de óte mańyzdy.
Qyrkúıek aıynyń sońynda «Barys» pen «Avtomobılıst» bıylǵy maýsymdaǵy alǵashqy matchyn ótkizgen edi. Elordada aıdyn ıeleri overtaımda jeńiske jetti (5:4).
Qos komanda arasyndaǵy búgingi oıyn Nur-Sultan ýaqytymen saǵat 20.00-de bastalyp, tikeleı efırde «Qazsport» jáne «KHL Prime» arnalary arqyly kórsetiledi.
Eske sala keteıik, budan buryn «Barystyń» elordada «Neftehımıkke» ese jibergenin, Darren Dıtstiń TsSKA komandasyna aýysqanyn jazǵan bolatynbyz.
